५ माघ, काठमाण्डौं । वीरगञ्जबाट काठमाण्डौं आउँदै गरेको यात्रुबाहक बस त्रिशुली नदीमा खस्दा तीन जनाको मृत्यु भएको छ ।

दुर्घटनामा ३० जना भन्दा बढी घाइते भएको प्रहरीले जनाएको छ । पृथ्वी राजमार्ग अन्तर्गत धादिङको पीडा २ बाङ्गेमा दुघटना भएको हो । ओभरटेक गर्दा अनियन्त्रित भएर दुर्घटना भएको जिल्ला प्रहरी कार्यालय गजुरीले जनाएको छ । ना ४ ख ६११७ नम्बरको बस दुर्घटनामा परेको हो । दुर्घटनामा घाइते भएकाहरुको गजुरीको सामुदायीक अस्पतालमा र गम्भिर घाइते भएका १२ जनाको थप उपचारका लागि राजधानी ल्याउँदै गरेको प्रहरीले जनाएको छ ।उक्त गाडी विहान सवा चार बजे दुर्घटनामा परेको थियो ।