चलचित्रको पर्दामा केही समयदेखि हराएकी नायिका अरुणिमा लम्साल शुक्रबार धरानमा समाजसेवीका रुपमा देखा परिन् । छोरो खेलाउँदै दृष्टिविहिनहरु पढ्ने पूर्वाञ्चल ज्ञान चक्षु विद्यालय पुगेकी अरुणिमाले विद्यालयलाई सहयोग गरेकोमा प्रसंसापत्र समेत पाईन् ।

विराटनगर माईति भएकी अरुणिमाले केही बर्षदेखि दृष्टिविहीनहरुलाई समय समयमा खाना खुवाउँदै आएकी थिइन् । यसपटक उनले दृष्टिबिहीनलाई ५ हजार चन्दा पनि दिइन् । आमा राधा लम्साल ‘भावु’ र अन्य आफन्तहरुसँग धरान आईपुगेकी अरुणिमाले आफुलाई पहिलेदेखि नै समाजसेवा गर्ने ईच्छा भएको बताईन् । लुईस ब्रेल दिवसका अवसरमा विद्यालयले आयोजना गरेको कार्यक्रममा अरुणिमालाई श्रीश्री १००८ डा.कृष्णदासजी महाराजले प्रशंषापत्र प्रदान गरे ।