माघ १३ – कान्तिपुर पत्रिका बोकेको एउटा जिप दुर्घटना हुँदा २ जना घाइते भएका छन् । नारायणगढबाट पत्रिका बोकेर पोखरा जाँदै गरेको लु१च ४३३६ नम्बरको जिप घाँसीकुवा–५ स्थित घुम्तीमा आज बिहान सडकबाट ५० मिटर तल खस्दा दुई जना घाइते भएका हुन् ।

घाइते हुनेहरुमा गोरखा थालाजुङ–३ बस्ने जिप चालक ३४ वर्षीय प्रेम खनाल र चितवन भरतपुर नगरपालिका–१२ बस्ने २६ वर्षीय सन्तोष श्रेष्ठ रहेको जिल्ला प्रहरी कार्यालयले जनाएको छ । उनीहरुको दमौलीस्थित रत्नहरि अस्पतालमा उपचार भइरहेको प्रहरीले जनाएको छ ।