National News » सप्तरीमा भीषण आगलागी हुँदा , एक सय १५ घर जलेर नष्ट

---

२१ वैशाख, सप्तरी । सप्तरीमा भएको आगलागीबाट एकसय १५ घर जलेर नष्ट भएका छन् । सप्तरीको एक नम्वर योगिनिया गाविसमा गएराति भिषण आगलागी हुदा एक सय १५ घर जलेका हुन् ।



आगलागीले ३९ परिवारको एक सय १५ घर जलेर नष्ट भएको जिल्ला प्रहरी कार्यालय सप्तरीले जनाएको छ । राति करिब १२ बजेतिर वडा नम्वर ७ का स्थानिय ज्वाला बनबरिया यादवको घरबाट आगलागी सुरु भएको थियो । गाउँमा सबै जना सुतेको अवस्थामा लागेको आगोले एकै छिनमा वस्ती नै सखाप भएको हो । विद्युत सर्ट भएपछि आगो लागेको हो ।

आगोलाई निभाउन राजविराजसहित सिरहाको लहान तथा सुनसरीको इटहरीबाट बारुण यन्त्र मगाइएको थियो । यसबाहेक स्थानीय बासिन्दा, नेपाल तथा सशस्त्र प्रहरी र नेपाली सेनाको टोलीले आगोलाई बिहान ५ बजे नियन्त्रणमा लिएको थियो । आगलागीबाट भएको क्षतिको पुर्ण विवरण आउन बाँकी रहेको जिल्ला प्रहरी कार्यालय सप्तरीले जनाएको छ ।