Entertainment, Videos » नेपाली चलचित्रमा अस्लिल शव्द बढ्यो ‘द लास्ट किस’ पनि त्यस्तै (भिडियो सहित)

---

चलनचल्तीका तर छाडा मानिने शव्द तथा वाक्यांशको प्रयोग गरेर चलचित्र हिट हुन थालेपछि यसको प्रयोग गरि चलचित्र निर्माण गर्ने क्रम बढ्न थालेको छ । यस्तै गरि निर्माण गरिएको चलचित्र चलचित्र ‘लूट’ले नेपाली चलचित्र बजार तताएपछि यौनलाई मुख्य विषय बनाएर चलचित्र निर्माण गर्ने क्रम बढेको छ । चैत पहिलो साता खुबै ‘यौन मनोविज्ञान भएको’ हल्लाखल्ला सहित रिलिज गरिएको चलचित्र ‘चपली हाइट’ ले पनि केहि हदसम्म आम्दानी गर्‍यो । तर केहि दर्शकहरुले त पैसा कमाउने बाटो समेत भने । आगामी अप्रिल १५ देखि वल्र्ड रिलिज गर्ने भन्दै चलचित्र ‘द लास्ट किस’को पनि सोसियल मिडियामा निकै प्रचार गरएको छ । युट्युबमा अपलोड गरिएको १ मिनेट १३ सेकेण्ड लामो प्रोमोमा आवाजलाई डिस्टोर्ट गरिएको छ केही ‘उत्तेजक’ दृश्यहरुलाई जोडेर प्रस्तुत गरिएको छ ।

प्रोमोमा चलनचल्तीमा रहेका तर अश्लिल मानिने शव्दको खुब प्रयोग छ । नायिका शोभिता सिम्खडा र पुष्करजंग थापाको मुख्य भुमिका रहेको ‘द लास्ट किस’मा सुरेश चौधरी, इस्मिता थापा, सृजना राई, अनुशा राई, किरण बराल, बिक्रम परियार, लक्ष्मण परयार, प्रज्वल घिमिरे, सुमन राई, उद्दव थापा र बोबी रोजा लगायतका कलाकारको अभिनय छ । सन्तोष तथा नगेन्द्र राजवंशीको संगीत रहेको यो चलचित्रको युवराज खत्रीले निर्माण गरेका हुन् । चलचित्रका निर्देशक बीबी फुयाँल हुन् । नयाँ धारका चलचित्र भन्दै रोमान्स, सेक्स, थ्रिलर र एक्सनलाई विषयबस्तु बनाएका नयाँ चलचित्रमा कला पक्ष कमजोर भएको र बढी नै बजारमुखी भएको आरोप लागिरहेका बेला बनिरहेका नयाँ चलचित्रमा यो झन् बढ्दै गइरहेको छ

भिडियो प्रोमो हेर्नुहोस