केही बर्ष अघि सिंहदरबार गेट अगाडि एकिकृत नेकपा माओवादीका अध्यक्ष पुष्पकमल दाहालसँग नाचेकी नायिका रेखा थापाको कमाण्डर बन्ने रहर एक सिनेमाले पुरा गरिदिएको छ । शिवजी लामिछानेको निर्देशनमा तयार भएको चलचित्र ‘जलजला’ मा रेखा थापा, आयुष रिजाल लगायतका कलाकारहरुलाई मुख्य भुमिकामा देख्न सकिन्छ ।

नेपालमा भएको १० बर्षे जनयुद्धको बिषयमा तयार पारिएको यो चलचित्र पौष २७ गतेबाट देशभरका हलमा प्रदर्शनमा आउदैछ । चलचित्रमा समावेश गीतमा शब्द तथा संगीत चेतन सापकोटाको छ । कासी राम भुषालको निर्माणमा तयार भएको सिनेमाभित्र राजेन्द्र खड्गीको द्धन्द, विष्णु कल्पितको छायांकन, मौनता श्रेष्ठको पटकथा तथा संवाद, कविराज गहतराजको नृत्य निर्देशन छ । माओवादी जनयुद्धको बिषयलाई फरक ढंगले प्रस्तुत गरेकाले पनि दर्शकले यो सिनेमा रुचाउने निर्माणपक्षको विश्वास छ । पुरा भिडियो हेर्न तल क्लिक गर्नुहोस्