माघ,६ तनहुँमा चट्याङ पर्दा स्थानिय छ जना घाइते भएका छन्। जिल्लाको गजरकोट गाविस- ३ मा शुक्रबार साँझ परेको चटयाङमा परी छ जना घाइते भएका हुन् ।

चटयाङमा परी घाइते हुनेहरुमा स्थानीय पुष्प थापा, दिलमाया थापा, बलेमाया थापा, भूमिसरा थापा, मनमाया आले र ननमाया आले रहेका छन् । घाइते उनीहरुको भीमादस्थित प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय तनहुँले जनाएको छ । रुखमुनि ओत लाग्ने क्रममा एक्कासि चटयाङ पर्दा उनीहरु घाइते भएका हुन् । उनीहरु सबैको अवस्था खतरामुक्त रहेको उपचारमा संलग्न चिकित्सकहरुले बताए ।