National News » बहिनी भेटन गएका दाजुको बाटोमै मृत्यु

---

चैत्र २४ – बहिनीको घरमा भेटघाटका लागि जाँदै गरेका एक बृद्धको अचानक बाटोमै मृत्यू भएको छ ।

शुक्रबार साँझ दार्चुलाको रानीशिखर-४ काणापारीका ६७ वर्षीय तारा भट्टको बैतडीको दशरथचन्द नगरपालिका-७ सुकुट्टीमा मृत्यु भएको प्रहरीले जनाएको छ ।

भट्ट दशरथचन्द ९ डुडरामा बहिनीको घर जान लागेका थिए । सकुट्टीको ढुंगेधारा छेउमा मृत फेला परेपछि स्थानीयले प्रहरीलाई खबर गरेका थिए । उनको झोलामा गुड, भुटेको पिठो लगायतका सामान भेटिएका छन् ।ekantipur.com