Amazing News » ३५ सय जनाले गरे सामुहिक बिहे (फोटोफिचर सहित)

---

दक्षिण कोरियामा हालै विश्वभरका ३५ सय भन्दा बढि जोडिले एकसाथ बिहे गरेका छन् । दक्षिण कोरियाको एक विवादास्पद एकता चर्चमा आयोजित सामुहिक विवाह कार्यक्रममा यतिधेरै युवायुवतीले लगनगाँठो कँसे । उक्त चर्चका संस्थापकको निधन भएपछि पहिलोपटक आयोजना गरिएको सामूहिक विवाहमा विवाहको सेतो पहिरनमा सजिएका बेहुला बेहुलीहरु समारोह स्थलमा लामबद्ध रुपमा बसेका थिए । ग्यापेयोङस्थित चेयोडसिम विश्व शान्ति केन्द्र चर्चमा उक्त सामुहिक विवाह भयो ।



यसरी सामुहिक विवाह गरेका जोडिहरुलाई चर्चका संस्थापक सुन म्युङ मुनको स्मरणमा मुनी भन्ने गरिन्छ । उक्त चर्चमा प्रत्यक्ष रुपमा ३५ सय जोडिले विवाह गरेकोमा भिडियो लिंकमार्फत विश्वका अन्य देशमा समेत झण्डै २४ हजारले विवाह गरेको बताइएको छ । चर्चमा भएको विवाह समारोहलाई चर्चका संस्थापकी विधवा श्रीमतीले सभापतित्व गरेकी थिइन् ।
उक्त चर्चमा यसअघि पनि पटकपटक सामुहिक विवाह हुने गरेको थियो । चर्चका संस्थापक मुनले चर्चमा मात्र नभएर विश्वका अन्य देशमा गएर पनि विभिन्न सामूहिक विवाह कार्यक्रम गर्ने गरेका थिए । मुनको गएको सेप्टेम्बरमा ९२ वर्षको उमेरमा निधन भएको थियो ।